Bank kart əməliyyatlarına limitlər təyin edir. Bu limitlər əməliyyatları daha təhlükəsiz etmək üçün həyata keçirilir. 

Bankın tətbiq etdiyi limitlərdən biri bankomatda və POS-terminalda tətbiq etdiyi nağdlaşdırma limitidir. Bundan əlavə karta mədaxil etmək üçün də limit müəyyən olunmuşdur. Siz POS-terminal vasitəsilə təmaslı və ya təmassız olaraq həyata keçirdiyiniz ödənişləri də limit əsasında həyata keçirirsiniz.

Digər limit növləri isə onlayn ödənişlər zamanı və Card to Card-a  tətbiq olunan limitlərdir. Bundan əlavə əgər siz kartınızı risk zonasındakı ölkələrdə istifadə etmək istəyirsinizsə bu ölkələrdə kart əməliyyatları üçün daha aşağı limit tətbiq olunduğunu bilməlisiniz. Bunun edilməsinin səbəbi isə bu ölkələrdə dələduzluq riskinin yüksək olmasıdır.